यस कारण आत्तिनु पर्दैन, विश्वकपमा यसरी पुग्न सक्छ नेपाल

काठमाडौं ।
पानी परेको ओसिलो पिचमा नेपाली टिम खुलेर ब्याटिङ गर्न नसक्दा आइसिसी विश्वक्रिकेट लिग च्याम्पियन्सीपमा शनिबार नेपाल आफ्नै मैदानमा केन्यासँग पराजित हुन पुग्यो । विश्वकप खेल्ने ढोकालाई थप नजिक बनाउन नेपाली टिमले केन्यालाई पराजित गर्नैपर्थ्यो । तर, पानी पर्दा छोट्याइदै खेलाउँदा नेपाल अन्ततः पानीले रुझ्दै खेल हेर्न बसेका हजारौ दर्शकका अगाडि ५ विकेटले पराजित हुन पुग्यो । यसले हजारौं लाखौ नेपाली क्रिकेटका समर्थकलाई निराश मात्र पारेन । बंगलादेशमा हुने एक दिवसीय विश्वकप क्रिकेटको छनोट खेल्ने बाटोलाई पनि पर धलेलिदिएको छ ।

तर, फर्किन पनि सक्छ नेपाल
यो लिग खेल्ने ८ टिममध्ये शीर्ष चारभित्र अटाए नेपालले २०१८ को विश्वकप छनोट खेल्न पाउँछ । चारभित्र नअटाए डिभिजन २ मा घटुवा हुन्छ । नेपालले ९ खेल खेल्दा अहिलेसम्म ६ वटामा हार बेहोरेको छ भने तीनवटामा जित दर्ता गरेको छ । जसमा नामिबियाविरुद्ध दुई र बलियो नेदरल्याण्डविरुद्ध एक खेल छन् । पराजित हुँदा पनि स्कटल्याण्ड र पपुवान्युगिनीविरुद्धका चारवटै खेल नेपालले जितनजिक पुगेर हारेको थियो ।
३ जितबाट प्राप्त भएको ६ अंकले नेपाल ८ टिममध्ये छैठौं स्थानमा छ । पहिलो स्थानमा रहेको नेदरल्याण्डको १० खेलबाट १६ अंक छ । दोस्रो स्थानमा रहेको पपुवा न्युगिनीको ८ खेलबाट १२ अंक छ । १० खेलबाट ११ अंक जोडेको हङकङ र ८ खेल खेलेको स्कटल्याण्डको पनि ११ अंक हु्ँदा यी दुई टोली तेस्रो र चौथो स्थानमा छन् । नेपालले शनिबार हराएको केन्याको ९ खेलबाट १० अंक भएको छ उ नेपालभन्दा अघि अर्थात् पाँचौ स्थानमा छ ।
अब नेपालले भोलि (सोमबार) केन्यालाई हराउन सके अझै पनि विश्वकप छनोटमा खेल्ने सम्भावना मर्दैन । भोलिको खेलमा केन्यालाई जित्ने सम्भावना पनि उत्तिकै छ । किनकी पानी पर्दा ओसिलो बनेको पिचमा पछि परे पनि आज जस्तै भोलि पनि घाम लाग्ने र नेपालले टस जित्ने हो भने नेपाल खेलमा हाबी हुन सक्छ । तर, यो नतिजा नेपालको पक्षमा आएर मात्र पनि पुग्दैन । यसका लागि अरु टिमको नतिजा नेपाल अनुकूल आउनुपर्नेछ । र, नेपालले पनि हङकङसँगका दुई र युएईसँगको दुई खेल जित्नुपर्नेछ । मिति नतोकिए पनि यही वर्षभित्र दुवै टिमसँग नेपालले खेल्नेछ ।
नेपालले अब भोलि केन्यालाई पनि हराउने र बाँकी चार खेलमा पनि शतप्रतिशत जित निकाल्ने हो भने नेपाल शीर्ष चारभित्र सोझै अटाउँछ । होइन ५ मध्ये चार खेल जित्न सक्दा पनि नेपालको सम्भावना कामय हुन्छ । यस्तोमा आफूपछाडिका टिमले अगाडि रहेकोलाई हराउनुपर्नेछ भने शीर्ष स्थानमा रहेको नेदरल्याण्डले केन्यालाई दुवै खेलमा हराउनुपर्नेछ । स्कटल्याण्डले केन्यालाई दुवै खेलमा हराउने र हङकङलाई पपुवा न्युगिनीले पनि दुवै खेलमा हराउनुपर्नेछ । तर, यी सबै सम्भावना नेपालले ४ खेल जित्दा वा ३ खेलमात्रै जित्दा पनि कायम रहन्छ ।
नेपालले युर्एलाई दुवै खेलमा हराउने र युएईले दुवै खेलमा पपुवा न्युगिनीलाई हराउने हो भने नेपालको सम्भावना थप बलियो बनेर जाँनेछ । नेपाले तीन वा चार खेल जित्दा पपुवा न्युगिनी र हङकङको नतिजाले पनि नेपालको अगाडिको बाटो तय गर्नेछ ।
अब यी टिमबीच एक आपपसमा दुईदुई खेल्न बाँकी छ

युएइविरुद्ध पपुवा न्युगिनी – २ खेल
स्कटल्याण्डविरुद्ध नामिबिया – २ खेल
हङकङविरुद्ध नेपाल –२ खेल
पपुवा न्युगिनीविरुद्ध स्कटल्याण्ड –२ खेल
केन्याविरुद्ध नेदरल्याण्ड –२ खेल
नामिबियाविरुद्ध युएई – २ खेल
युएईविरुद्ध नेपाल – २ खेल
केन्याविरुद्ध स्कटल्याण्ड –२ खेल
हङकङविरुद्ध पपुवान्युगिनी –२ खेल
नामिबियाविरुद्ध नेदरल्याण्ड – २ खेल

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.