चैत महिना तपाईको लागि कति शुभ अति अशुभ ? हेर्नुहोस्
चैत महिनामा सूर्यले मीन राशिमा भ्रमण गर्दछन् । अन्य ग्रहहरूमध्ये सुरुमा मेष राशिमा रहेको मङ्गल ग्रह महिनाभरि मेष राशिमा नै रहने देखिन्छ । त्यस्तै सुरुमा कुम्भ राशिमा रहेको बुध ग्रह २८ गतेपछि मीन राशिमा सर्नेछ । महिनाको सुरुमा कन्या राशिमा बक्री अवस्थामा रहेको बृहस्पति ग्रहको स्थान यथावत् रहने छ भने धनु राशिमा रहेको शनिश्चर ग्रह यस महिनाको २१ गतेदेखि बक्री गतिमा परिवर्तित हुने सङ्केत छ । मीन राशिमा बक्री रहेको शुक्र ग्रह महिनाभरि उक्त राशिमा नै रहे पनि २८ गतेपछि मार्गी हुनेछ । राहु र केतु ग्रह यथावत् क्रमशः सिंह र कुम्भ राशिमा रहने देखिन्छ । यस्तो ग्रह परिवेशमा खाद्यान्नको मूल्य सामान्य रहने छ ।
कतैकतै धार्मिक दङ्गा र साम्प्रदायिक घटनाहरू हुने सम्भावना देखिन्छ । मङ्गलबार सङ्क्रान्ति परेकाले दुर्घटना, अपहरणजस्ता घटनामा बृद्धि हुनेछ । खाद्यान्न सङ्ग्रह गर्नेहरूले राम्रो मुनाफा कमाउने छन् । कतैकतै हावाहुण्डरी र प्राकृतिक प्रकोपका कारण धनजनको क्षति हुनेछ । भूकम्प, अग्निभयका साथै ठाउँठाउँमा महामारीको प्रकोप पनि देखा पर्नसक्छ । उपभोग्य वस्तुको मूल्यमा बृद्धि हुनेछ । जनता कलह र आक्रोशको मनस्थितिमा रहने छन्, तर सरकारका केही क्रियाकलाप लाभकारी हुने तथा नयाँ योजना कार्यान्वयनका लागि सत्तापक्षलाई सहज हुने महिना छ ।
मेष (चु, चे, चो, ला, लि, लु, ले, लो, अ)
बाह्रौं भावमा सूर्य रहेकाले यस अवधिमा क्षणिक आवेग र उन्मादलाई नियन्त्रण गर्नु बेस हुनेछ । गलत निर्णयका कारण अकल्पनीय हानि हुनसक्छ, त्यसैले कुनै निर्णय लिनुपूर्व राम्रो सोचविचार गर्नु आवश्यक छ । खर्चको मात्रा बढ्ने छ । व्यवसायिक स्थितिमा गिरावट आउनसक्छ । उता भाग्येश मानिएको बृहस्पतिसमेत बक्री भई छैटौं भावमा बस्नाले इच्छाविपरीत परिणाम आउनसक्छ, त्यसैले फलप्राप्ति प्रति धेरै उत्साह नदेखाउनु उचित हुनेछ । सानातिना रोगव्याधिको भय र हलुका दुर्घटना हुने सम्भावना छ । जोखिमपूर्ण र जुवाजन्य काममा दिलचस्पी नदिनु नै बेस हुनेछ । पारिवारिक झमेला बढ्नाले मानसिक तनाव हुन सक्छ । तर राशिको मालिक आफ्नै घरमा रहेकाले अत्तालिनु पर्ने परिस्थिति बन्दैन । सुखसुविधाका सामाग्री किनमेल गर्न धनखर्च हुनेछ । उच्चकोटिको दाम्पत्य जीवनको भरपूर सुख भोग गर्न पाइने छ । आर्थिक रूपले यो समय नराम्रो छैन तर खर्चमा नियन्त्रण गर्नु अझ राम्रो हो । परिवारजनको प्रतिकूल स्वास्थ्यका कारण चिन्तित हुनु पर्नेछ । अन्य दिनका तुलनामा यस महिनामा ०४, ०५, ०६, १४, १५, १६, २३ र २४ गते तपाईंका लागि अशुभ रहने छन् ।
बृष (इ, उ, ए, ओ, बा, बि, बु, बे, बो)
राज्यस्थानमा प्रवेश गरेको सूर्यको राम्रो प्रभाव छ, तर राशिस्वामी शुक्र महिनाभरि बक्री हुने भएकाले मिश्रित प्रभाव प्राप्त हुनेछ । सूर्यको प्रभावले इच्छा र आकाङ्क्षा पूर्ण हुने समयका रूपमा यो समय आएको छ । नातागोताका सदस्यहरूबाट सहायता मिल्नेछ । यस समयमा गरिएका किनमेल र कारोबारहरू सफल हुनेछन् । करार र सम्झौताबाट लाभ मिल्नेछ । तर राशिस्वामी बक्री भएकाले प्रतिकूल परिस्थिति र कठिनाइको सामना गर्नु पर्नेछ । स्वाभिमान र घमण्डका कारण केही समस्याहरू सिर्जना हुनसक्छन् । घमण्डलाई त्याग्नु श्रेयस्कर हुनेछ, नत्र परिस्थिति अझ जटिल बन्नसक्छ । खर्चको मात्रामा बृद्धि भइरहन्छ । त्यस्तै भाग्येश शनिको अष्टम भावमा उपस्थिति भएकाले लेनदेनको कारोबारमा हानि पुग्ने सङ्केत पनि छ । साथीभाइ र सहयोगीले आफ्नो वचन पूरा गर्न सक्दैनन् । घरपरिवारका सदस्यको व्यवहारमा पनि फरक भएको अनुभूति हुनेछ । समय प्रतिकूल नै नभए पनि सारांशमा यस अवधिमा मानसिक उल्झन र समस्यामा केन्द्रित भइने छ । खास गरी यस महिनाको ०७, ०८, ०९, १६, १७, १८, २५ र २६ गते अलि बढी उल्झनपूर्ण समय रहने सङ्केत छ ।
मिथुन (का, कि, कु, घ, ङ, छ, के, को, ह)
कर्मक्षेत्रमा रहेको सूर्यको प्रभावले व्यापार र नोकरीका माध्यमबाट लाभ मिल्ने महिना देखिन्छ । हाकिम, मातापिता र वरिष्ठ व्यक्तित्वको सहानुभूति र आशीर्वाद मिल्नेछ । व्यवसायिकरव्यापारिक दृष्टिले फलदायी यात्राको सम्भावना छ । राशिस्वामी बुध पनि कर्मक्षेत्रमा नै रहने छ, अतः पूर्णरूपेण कर्मशील भइने छ । वरिष्ठ व्यक्तित्व वा सत्तावान् व्यक्तिका साथको सम्बन्धमा सुधार आउने छ । पारिवारिक वातावरण संतोषप्रद रहनेछ । वाहनादि र विदेशबाट लाभ प्राप्त हुनेछ । घरमा कुनै शुभ कृत्यको आयोजना हुनसक्छ । तर सातौं भावको शनिश्चरले पारिवारिक किचलोको सम्भावना देखाएको छ भने बुद्धिपक्षको स्वामित्व गर्ने शुक्र बक्री रहनाले अरुले गरेको अनुत्तरदायी क्रियाकलाप र असफलताका कारण चिन्तित बन्नुपर्ने छ । दैनिकी सञ्चालनका क्रममा पनि समस्या हुनसक्छ । अनावश्यक आरोपका कारण सजाय भोग्नु पर्छ । सानातिना झंझट वा विवादबाट जोगिनु बेस हुनेछ । विपरीत लिङ्गीसँग पनि राम्रो सम्बन्ध हुनेछैन । साझेदार वा सहयोगीले होच्याउने प्रयास गर्नेछन् । विशेषतः यस महिनाको ०१, ०२, ०९, १०, ११, १८, १९, २०, २७, २८ र २९ गते तपाईंका लागि खासै राम्रा दिन रहने छैनन् ।
कर्कट (हि, हु, हे, हो, डा, डि, डु, डे, डो)
भाग्यमा रहेको सूर्यले मिश्रित प्रभाव प्रदान गर्नेछ । लामो यात्रा सफल हुनेछैन, तर छोटो यात्राबाट लाभ लिन सकिन्छ । उच्च पदमा प्रतिष्ठित व्यक्तिहरूसित भेटघाट हुने तथा सल्लाह र सद्भाव प्राप्त हुने सम्भावना छ । मातापिता र अभिभावकवर्गको स्वास्थ्यस्थिति चिन्ताको विषय बन्नसक्छ । धार्मिक र सांस्कृतिक महत्त्वको क्षेत्रमा भ्रमण हुनेछ । बुद्धिपति मङ्गल कर्मक्षेत्रमा रहेकाले लेनदेनको कारोबार, सार्वजनिक क्षेत्र वा सरकारी कामका माध्यमबाट फाइदा हुनेछ । भाग्येश बृहस्पतिले भाग्यमा पूर्ण दृष्टि राखेको छ । सामाजिक सम्मान प्राप्त हुनेछ । आत्मविश्वास बढ्ने छ । सामाजिक क्षेत्रमा वर्चस्व स्थापित हुनेछ । ससाना यात्राबाट सफलता मिल्नेछ । पारिवारिक उत्थानका निम्ति कुनै महत्त्वपूर्ण कार्य गर्न प्रयास गरिने छ । वैवाहिक जीवन वा प्रेमप्रसङ्ग सुखद हुनेछ । सहयोगी र साझेदारहरूसँग राम्रो सम्बन्ध कायम हुनेछ । कुनै मान्यजनबाट साथसहयोग प्राप्त हुनेछ । सानातिना रोगव्याधिको प्रकोपको सङ्केत पनि छ । तर यस महिनाको ०२, ०३, ०४, १२, १३, १४, २०, २१, २२, २९, ३० र ३१ गते तपाईंका लागि अनुकूल देखिंदैनन् ।
सिंह (मा, मि, मु, मे, मो, टा, टि, टु, टे)
अष्टमभावमा राशिको मालिक मानिएको सूर्यको प्रवेश हुनाले अचानक विविध समस्या देखा पर्न सक्छन् । पारिवारिक र नातागोताभित्रका सदस्यहरूसँग राम्रो व्यवहार पुर्याउन नसक्नाले विनाकारण झगडा र विवाद हुनेछ । अस्वस्थताको सङ्केत भएकाले खानपान, आहारविहार र स्वास्थ्यप्रति सचेत हुनुपर्छ । शङ्कास्पद कारोबार र क्रियाकलाप सहभागी नबन्नु राम्रो हुनेछ, त्यस्तै खराब र अनैतिक मानिने कामभन्दा टाढा रहनु नै कल्याणकारी हुनेछ । महत्त्वपूर्ण कागजातमा हस्ताक्षर गर्नुअघि राम्ररी पढ्नु बेस होला । तर धनभावमा बसेको पञ्चमेश बृहस्पतिको भावसँग केन्द्रीय सम्बन्ध बन्नाले आयक्षेत्रमा उल्लेखनीय अभिबृद्धि हुनेछ । परिवारका सदस्य र अन्य व्यक्तिको हितका लागि धनखर्च गर्न मन हौसिने छ । लोकप्रियता हासिल हुनेछ । परिवारमा नयाँ सदस्य वा अतिथिको आगमन हुनसक्छ । शत्रुमाथि विजय प्राप्त हुनेछ । अचल सम्पत्तिबाट लाभ मिल्नेछ । कला, कविता र साहित्यमा रूचि बढ्ने छ । आफ्नो रूचिको क्षेत्रमा गरेको प्रयास सार्थक हुनेछ । सामान्यतया सबै किसिमका सुखभोग प्राप्त हुनेछ । विशेष गरी यस महिनाको ०४, ०५, ०६, १४, १५, १६, २३ र २४ गते तपाईंका लागि अशुभ रहने छन् ।
कन्या (टो, प, पि, पु, ष, ण, ठ, पे, पो)
पत्नीस्थानमा द्वादशेश सूर्यको उपस्थिति भएकाले यस महिनामा प्रशस्त धनव्ययको सम्भावना देखिन्छ, साथै मानसिक रूपले तनावग्रस्त र अस्वस्थ हुने सम्भावना भएकाले यस महिनालाई एउटा कठिन कालखण्ड हो भन्दा अत्युक्ति नहोला । कडा मिहिनेत गर्दा पनि राम्रो परिणाम हात पार्न सकिने छैन । उता भाग्येश शुक्र पनि बक्री भएकाले दैनिकी सञ्चालन र धनसङ्ग्रहमा कठिनाइ हुनेछ । नयाँ व्यवसाय वा उद्योगधन्दामा लगानी गर्दा राम्रो विचार पुर्याउनु ठिक हुन्छ । तर राशिस्वामी बुध सातौं भावमा नै रहेकाले केही महत्त्वपूर्ण उपलब्धीसमेत हासिल हुने देखिन्छ । प्रसिद्धि र सम्मानमा बृद्धि हुनेछ । विद्वानहरूका साथमा घुलमिल हुने मौका आउने छ । बन्दव्यापारमा बढावा हुनेछ । विपरीत लिङ्गीहरूबाट सहायता मिल्नेछ । सुखद यात्रा हुने सङ्केत पनि छ । किनमेलका क्षेत्रबाट लाभ प्राप्त हुनेछ । साझेदार र सहयोगीले पूर्णरूपेण सहयोग गर्नेछन् । कुनै प्रतिस्पर्धामा समेत सफलता हासिल हुनेछ । अन्य दिनका तुलनामा यस महिनाको ०७, ०८, ०९, १६, १७, १८, २५ र २६ गते त्यति अनुकूल दिन हुँदैनन्, तथापि महिनाको अन्त्यमा ९२८ गतेपछि० राशिस्वामीले आठौं भावमा प्रवेश गर्ने भएकाले दुर्घटनाजन्य जोखिमबाट जोगिनु राम्रो हुन्छ ।
तुला (र, रि, रु, रे, रो, ता, ति, तु, ते)
छैटौं भावको सूर्यको शुभफल हुन्छ, प्रतिस्पर्धीहरूमाथि विजय प्राप्त हुनेछ । पछाडि उछित्तो काड्ने र कुरा काट्नेहरू आफैं चुप लाग्नेछन् । नोकरी र व्यायसायिक जीवनमा सुधार आउने छ । प्रतिष्ठा र पदोन्नतिको सम्भावना छ । आफ्नो सर्कलमा सम्मान र साख मिल्नेछ । तर राशिको मालिक मानिएको शुक्र बक्री हुँदा दैनिक कामकाज र व्यवहारमा अनेकानेक कठिनाइको सामना गर्नुपर्छ । शत्रुले छवि बिगार्ने प्रयास गर्नेछन् । सहयोगी र साझेदारहरूसँग विवाद हुने सम्भावना छ । पारिवारिक जीवन सुखद हुनेछैन । स्वास्थ्यप्रति समेत सचेत हुनु राम्रो हुन्छ । बुद्धिपति बुधको प्रभाव पनि अनुकूल छैन, कामको बोझ बढ्नाले थकानको अनुभूति हुनेछ, व्यर्थका काममा समेत अल्मलिनु पर्नेछ । बोलीलाई नियन्त्रण गर्नु राम्रो हुन्छ, कटुशब्दको प्रयोग र अर्काको आलोचना गर्ने प्रवृत्तिमा नियन्त्रण गर्नु राम्रो हुन्छ । पारिवारिक जीवनसमेत राम्रो छैन । सम्भव भएसम्म यात्राबाट जोगिनु नै असल हुन्छ । खासगरी यस महिनाको ०१, ०२, ०९, १०, ११, १८, १९, २०, २७, २८ र २९ गते तपाईंका लागि अशुभ रहने छन् ।
बृश्चिक (तो, ना, नि, नु, ने, नो, या, यि, यु)
पाँचौं भावमा रहेको कर्मेश सूर्यको प्रभावले मनमा ठूलो उत्साह र उमङ्गको सिर्जना हुनेछ । यस अवधिमा कडा मिहिनेत र परिश्रम गर्ने योग छ । नयाँनयाँ उद्यम र योजना कार्यान्वयन गर्नाले सफलता मिल्नेछ । यो समय प्रणय र रोमान्सका लागि पनि राम्रै छ । सृजनशीलताको प्रशंसा र सराहना हुनेछ । पारिवारिक सुखमा अभिबृद्धि हुनेछ । मित्र र शुभचिन्तकले पूर्ण सहयोग गर्नेछन् । महत्त्वपूर्ण व्यक्तिहरूसित सम्पर्क बढाउनु हुनेछ । एउटा स्मरणीय यात्रा हुने सङ्केत पनि छ । राशिस्वामी मङ्गल छैंटौं भावमा स्वगृही भएर बसेको छ । पेसागत र व्यवसायिक परिस्थतिमा सुधार आउने छ । धनसम्पत्तिको लाभ हुने सम्भावना छ । पारिवारिक वातावरण पनि सुखद हुनेछ । पेसा र व्यवसायमा देखिएका अड्चन र बाधा हटाउन तथा शत्रुदमन गर्न प्रयास गरिने छन् । समग्रमा समय राम्रै भए पनि वाहनादिमा यात्रा गर्दा सावधान हुनु बेस हुनेछ । विशेषतः यस महिनाको ०२, ०३, ०४, १२, १३, १४, २०, २१, २२, २९, ३० र ३१ अलि कमजोर दिन छन् ।
धनु (ये, यो, भ, भि, भु, ध, फा, ढ, भे)
चौथो सूर्य, आफ्नै राशिमा बसेको शनिश्चर र कर्मभावको बक्री बृहस्पतिका कारण यो महिना त्यत्ति अनुकूल नहुन सक्छ । यस अवधिमा कडा मिहिनेत र परिश्रम गर्ने योग छ । निरन्तर गरिएको कष्टप्रद परिश्रमका कारण छिटै थाकिन्छ र कार्य क्षमतामा समेत कमी आउने छ । मन कुकर्म र गलत आचरणतर्फ आकर्षित बन्न सक्छ । मातापिता र अभिभावक वर्गको स्वास्थ्यस्थिति चिन्ताको विषय बन्नेछ । सवारीसाधन हाँक्दा र बाटो काट्दा सावधान र सचेत रहनु बेस हुनेछ । तर पञ्चमेश मङ्गलले शुभफल प्रदान गर्नेछ, यसको प्रभावले लुकेको प्रतिभा र व्यवसायिक योग्यताको सहज विकास हुनेछ । प्रतिष्ठित व्यक्तिहरूसित सम्पर्क बढ्ने छ । सुखसुविधा भोग गर्न पाइने छ र मन प्रसन्न रहने छ । कामप्रतिको लगनशीलताका कारण प्रशस्त लाभ मिल्नेछ । पारिवारिक वातावरण सुमधुर रहनेछ । मातापितासित सुमधुर सम्बन्ध रहने छ । विलासिताका सामग्रीमा खर्च बढ्ने छ । सञ्चारमाध्यमबाट शुभ समाचार प्राप्त हुनेछ । घरपरिवारमा कुनै शुभ संस्कार सम्पन्न हुने सङ्केत पनि छ । खास गरी चैत्र महिनाको ०४, ०५, ०६, १४, १५, १६, २३ र २४ गतेका दिन तपाईंले होस राखेर काम गर्नु जायज हुनेछ ।
मकर (भो, ज, जि, खि, खु, खे, खो, गा, गि)
अष्टमेश सूर्यको तृतीय भावमा प्रवेश हुने र महिनाको उत्तरार्द्धमा राशिस्वामी शनिश्चर बक्री हुने हुँदा चैत्र महिनाको अन्तिम दिनहरू कष्टप्रद रहने छन् । तर महिनाको २० गतेसम्ममा बहुप्रतीक्षित इच्छा, आकाङ्क्षा र उद्देश्य सफल हुने समय मान्न सकिन्छ । यस अवधिको अधिकतम समय घुमघाम र भ्रमणमा बित्नेछ, साथै ससाना यात्रा फलदायी र भाग्यशाली सिद्ध हुनेछन् । आकस्मिक रूपमा धनप्राप्तिको सम्भावना समेत छ । घरपरिवारका सदस्य, मित्र र नातागोता माझको सम्बन्ध सुदृढ हुनेछ । तपाईंका लागि महिनाको उत्तरार्द्ध राम्रो छैन । मानसिक उल्झन र तनावबाट ग्रसित रहनु पर्नेछ । घरायसी सुखसुविधा, अचल सम्पति, वाहनसुख, स्त्रीसुख एवं मित्रहरूको साथ पाउन गाह्रो देखिन्छ । आर्थिक रूपले समेत राम्रो समय देखिंदैन । खर्चको मात्रा बढ्ने छ । जीवनीशक्तिमा कमी भएको अनुभूतिका कारण आँफूलाई कमजोर भएको अनुभूति हुनेछ । व्यर्थको काममा ऊर्जा नाश हुनेछ । स्वास्थ्यका दृष्टिकोणले महिनाभरि नै सचेत र सतर्क रहनु राम्रो हो । अझ तपाईंले यस महिनाको ०७, ०८, ०९, १६, १७, १८, २५ र २६ गतेका दिन निकै सतर्क रहनु राम्रो हुन्छ ।
कुम्भ (गु, गे, गो, सा, सि, सु, से, सो, द)
धनस्थानमा सूर्यको उपस्थिति हुने भएकाले समग्रमा यो महिना शुभफल प्राप्त हुनेछ । आर्थिक रूपले यो उत्तम समय छ । व्यावसायिक कारोबारबाट लाभ मिल्नेछ । परिस्थितिलाई मनन गर्नसक्ने क्षमताको विकास हुनाले जोसुकैलाई पनि आफ्नो विचार र लक्ष्यप्रति सहमत तुल्याउन सकिने छ । सामाजिक प्रसिद्धि प्राप्त हुनेछ । परिवारका सदस्यहरू सकारात्मक हुनेछन् । लगानीमा रहेको रकम फिर्ता आउनसक्छ । यस अवधिमा भ्रमणबाट समेत लाभ हुनेछ । तर चैत्र २१ गते राशिस्वामी शनिश्चर बक्री हुने भएकाले शारीरिक तनाव र बोझलाई झेल्नसक्ने सामथ्र्य हुँदाहुँदै पनि पारिवारिक झैझमेला र समस्या बढ्नाले मन विचलित हुनसक्छ, अतः घरायसी समस्या र परिवारजनका भावनालाई समेटेर अघि बढ्नु राम्रो हुनेछ । आर्थिक दृष्टिले पनि यो समय कमजोर रहने छ, कुनै भौतिक सम्पत्तिको नोक्सानी हुनसक्छ, दीर्घकालिक लगानी र कारोबारप्रति सचेतता अपनाउनु आवश्यक छ, । बोलीमा पनि अङ्कुश लगाएकै बेस हुनेछ । विशेषतः यस महिनाको ०१, ०२, ०९, १०, ११, १८, १९, २०, २७, २८ र २९ गते तपाईंका लागि राम्रा दिन हुने छैनन् ।
मीन (दि, दु, थ, झ, ञ, दे, दो, च, चि)
तपाईंको आफ्नै राशिमा सूर्यको प्रवेश भएको छ । यो महिना धनसम्पत्ति र सुखसुविधा आर्जन गर्ने पक्षमा आकर्षित रहने महिना हो । आवश्यकताभन्दा बढी आत्मविश्वासको सिर्जना हुनेछ । सार्वजनिक क्षेत्र अथवा सरकारको कुनै महत्त्वपूर्ण जिम्मेबारी प्राप्त हुनसक्छ । छोटो दूरीको यात्रा हुने सम्भावना छ, जुन सुझबुझ र लगनशीलताका कारण फलदायक सिद्ध हुनेछ । सामाजिक सङ्घसंस्था वा परोपकारका क्षेत्रमा सहयोग गर्नु पर्नेछ । तर राशिस्वामी बृहस्पति बक्री रहेकाले तपाईंले स्वास्थ्यस्थितिमा असर पर्ने काम गर्नु हुँदैन, व्यक्तिगत स्वास्थ्यप्रति समेत सचेतता अपनाउनु पर्ने देखिन्छ । त्यस्तै पारिवारिक जीवन पनि अनुकूल रहने सङ्केत छैन । घरपरिवारकै सदस्यका बीचमा मनोमालिन्य बढ्नाले ससाना कुरामा झैझगडा र मानसिक तनाव बढ्न सक्छ । मुखलाई नियन्त्रणमा राख्नु बेस हुनेछ । अवाञ्छित व्यक्तिहरूउपर निर्भर रहनु पर्ने बाध्यता हुनसक्छ । व्यापारमा घाटा हुने वा धनमाल हराउनेरचोरी हुने सङ्केत पनि छ । विशेष गरी तपाईंले यस महिनाको ०२, ०३, ०४, १२, १३, १४, २०, २१, २२, २९, ३० र ३१ अझ बढी सतर्क रहेको राम्रो हुन्छ ।
-सह.प्रा. कृष्णप्रसाद कोइराला
