यौन क्षमता बढाउन चाहनुहुन्छ? यी कुराले गर्छ सहयोग…

आफ्नो जीवनसाथीसँगको मिलनमा बाधा पुर्याउने विशेषतः दुईवटा कुरा हुन्छन्:- यौन चाहना नहुनु र यौन क्षमता कमजोर हुनु। तपाईँ कुन श्रेणीमा पर्नुहुन्छ? के तपाईँको पनि इच्छा नहुँदानहुँदै शिथिल हुनुपुर्ने बाध्यता छ? नेपालमा भेटिने ५ किसिमका जोडी यदि त्यस्तो हुन्छ भने धन्ना नमान्नुहोस्। तपाईँहरूको यौन तृष्णालाई उजागर गरेर लामो समयसम्म बिस्तारामा बिताउन मद्दत गर्नको लागि आज हामी तपाईँहरूलाई विज्ञानले नै प्रमाणित गरेको केहि उपायहरूको बारेमा जानकारी दिन गैरहेका छौँ। सायद तपाईँलाई यो कुरा थाहा नहुन सक्छ कि तपाईँले दैनिक जे खानेकुराहरू खानुहुन्छ नि, त्यसले तपाईँको शारीरिक र मानसिक स्वास्थ्यलाई त प्रभाव पार्छ पार्छ, त्यसको साथै तपाईँको यौन स्वास्थ्यमा पनि उत्तिकै असर गरिरहेको हुन्छ। त्यसैले यदि तपाईँ आफ्नो जीवनसाथीलाई भरपूर आनन्द दिन नसकेको महशुस गरिराख्नुभएको छ भने बुझ्नुहोस् कि गल्ती तपाईँबाटै भैरहेको छ। त्यसलाई सुधार्नको लागि सुरुमा आफ्नो खानेबानीलाई सुधार्नुहोस्।

तपाईँको यौन चाहना र यौन क्षमता बढाउने शक्तिवर्द्धक खानेकुराहरू:- १. खर्बुजा/तर्बुजा खर्बुजा वा तर्बुजा, यस्तो फाइदाजनक फल हो, जुन ‘एल-सिट्रुलाइन’ (L-citrulline) को प्राकृतिक स्रोत हो। सिट्रुलाइन एक प्रकारको अमिनो एसिड हो जसले पुरुष र महिला दुवैमा यौन उत्तेजना पैदा गराउँदछ, त्यो पनि सामान्यभन्दा बढि नै। शरीर भित्र प्रवेश गरिसकेपछि नाइट्रिक अक्साइड पैदा गराउने यो सिट्रुलाइनलाई एण्टिअक्सिडेण्ट पनि भन्न सकिन्छ, जसले पुरुषको लिङ्गमा रक्तसञ्चार प्रक्रियालाई बढाउँदछ र लिङ्गलाई कडा बनाउँदछ। त्यसैले यदि तपाईँलाई संभोग गर्न मन छ तर सक्दिनँ जस्तो लागेको छ भने खर्बुजा एउटा राम्रो उपाय हुन्छ, जसले तपाईँको चाहनालाई केहि मात्रामा भएपनि बढाउन मद्दत गर्दछ। २. अदुवा अदुवाको बयान गरिराख्नुपर्छ जस्तो लाग्दैन। रुघाखोकी होस् या टाउको दुखाई होस् या माइग्रेन नै किन नहोस्, अदुवाले सञ्जीवनी बुटिको काम गर्छ। तर यसको अर्को एउटा गोप्य फाइदा पनि छ, सायद त्यसले तपाईँलाई मद्दत गर्न सक्छ। इण्टरनेशनल जर्नल अफ कार्डियोलोजीको एक खोजबाट, दिनमा- धेरै होइन केवल १/२ चम्चा अदुवाको धुलो अथवा एउटा सानो चोइटाले पनि यौन चाहना र क्षमतालाई बढाउने प्रमाणित भएको छ। यसको जादुको मूख्य कारण भनेको अदुवाले रक्तधमनीमा भएको बाधा र कसिलोपनालाई खुकुलो बनाई पुरै शरीरभरि नै रक्तसञ्चारमा टेवा पुर्याउँदछ। ३. अनार यो रसिलो अनि कसिलो रातो फलको बारेमा अमेरिकाको एक ‘बाँझोपना रिसर्च एसोसियसन’ले अनुसन्धान गरेको थियो। यस अनुसन्धानमा एउटै कुराको मात्रै खोज भएको थियो, त्यो हो ‘अनारले बाँझोपनालाई मद्दत गर्छ कि गर्दैन?’ जब खोजको नतिजा निस्कियो, तब मात्र थाहा भयो कि यसले बाँझोपनालाई मात्रै होइन, ‘लिङ्ग उत्तेजित नहुने’ रोगलाई समेत रोकथाम गर्न सक्दो रहेछ। कसरी त? यसमा भएको विशेष प्रकारको एण्टिअक्सिडेण्टले यौनाङ्गमा रक्तसञ्चार गराउनुको साथै पुरुषमा ‘टेस्टोस्टेरोन’ हर्मोन र महिलामा ‘एस्ट्रोजन’ हर्मोनलाई समेत मजबुत बनाउँदछ। मतलब पुरुष र महिला दुवैमा यौन चाहना र क्षमताको वृद्धि गराउँदछ। यो राम्रो कुरा होइन त? ४. सामन माछा आफ्नो प्यारो मान्छेसँग डिनर डेटमा जाँदै हुनुहुन्छ र डेटपश्चात भरपूर मायाले खुसी बनाउन चाहनुहुन्छ भने ‘सामन माछा’ (Salmon Fish) अर्डर गर्नुहोस्। किन? सामन माछा भनेको ‘ओमेगा-३ फ्याटी एसिड’को राम्रो स्रोत हो। यसले शरीरमा नाइट्रिक अक्साइडको उत्पादन गराई लामो समयसम्म उत्तेजित गराउन टेवा पुर्याउँदछ। ५. सागपात पहिले-पहिले टिभीमा ‘पपआई’ (Popeye) नामक कार्टून आउँथ्यो। हेर्नेहरूलाई थाहा छ कि, त्यस पपआई पात्रले कुने पनि भिलेनसँग लडाईँ गर्नुभन्दा अगाडि सागपात (Spinach) खान्छ, अनि एकैछिनमा सुसंगठित शरीर बनाई सबै भिलेनहरूलाई धुलोपिठो हुने गरी कुट्छ। त्यतिबेला त खासै मतलब लाग्थेन, तर अहिले आएर थाहा भयो कि साँच्ची नै हरीयो सागपातले शरीरमा ऊर्जा प्रदान गर्नुको साथै यौन क्षमतामा पनि उत्तिकै वृद्धि गराउँदछ। यसको ‘लिङ्ग-उत्तेजक’ शक्तिको एउटै स्रोत हो- यसमा भएको ‘आर्जिनाइन’ (Arginine)। जब यो अमिनो एसिड हाम्रो शरीरमा प्रवेश गर्छ, तब यो नाइट्रिक अक्साइडमा परिवर्तन हुन्छ। अनि नाइट्रिक अक्साइडले के गर्छ भनेर त अब तपाईँलाई थाहा भैसक्यो होला। अनि आफ्नो नियमित भोजनमा हरीयो सागपात मिसाउनैपर्ने अर्को कारण सुन्नुहुन्छ? नाइट्रिक अक्साइडले मांशपेसीको वृद्धि-विकासको साथै शरीरमा लागेको घाउचोटलाई पनि चाँडै निको बनाउँदछ। ६. लसुन-प्याँज हिन्दु धर्मका प्राचिन ब्राह्मण जातिहरूले लसुन-प्याँज खानुहुँदैन भन्ने विश्वास गर्थे। त्यसको एउटै कारण के हो थाहा छ? कारण यो हो कि, लसुन प्याँजले मानिसमा यौन उत्तेजना बढाउँदछ। अनि ब्राह्मण जाति भनेको भगवानसँग नजिकको सम्बन्ध भएको जाति मानिन्छ। अनि विभिन्न शास्त्रीय ज्ञानबाट भगवानलाई प्राप्त गर्ने मार्ग भनेको सन्यासी मार्ग हो, जहाँ कुनै इच्छाआकांक्षा हुनुहुँदैन। त्यसैले नै ब्राह्मणहरूलाई लसुन-प्याँज वर्जित थियो। त्यसैगरी, प्राचिन इजिप्सियन मानिसहरूले आफ्नो शारीरिक बल बढाउनको लागि लसुन खाने गर्थे भनेर इतिहासमा लेखिएको छ। जब यसको बारेमा अनुसन्धानकर्ताहरूले घोर अनुसन्धान गरे, तब उनीहरूले थाहा पाए कि लसुनको पात अथवा पोटीको सेवनले रक्तनली/रक्तनशाका भित्तामा ‘नानोप्लेक’ (Nanoplaque) नामक खराब बोसोलाई जम्न दिँदैन। हो, रक्तनशा भनेपछि यौनाङ्गमा पुग्ने नशा पनि पर्छ। त्यसैले आफ्नो मुटुलाई स्वस्थ अनि लिङ्गलाई उत्तेजित बनाइराख्न चाहनुहुन्छ भने खानामा लसुन-प्याँज पनि मिसाउने गर्नुहोस्।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.