नेपालको पश्चिमी नाका ४८ घण्टाको लागि बन्द हुने

भारतको विधान सभा चुनावको कारण पश्चिमीनाका बन्द हुने भएको छ।


सधैजसो व्यस्त रहने देशको पश्चिमीनाका गड्डा चौकी सुनसान हुन पुगेको हो । भारतमा यहि फेब्रुअरी १५ तारिकका दिन हुने विधानसभाको चुनावका कारण नेपाल भारत आवत जावतमा रोक लगाइएपछि देशको पश्चिमीनाका ठप्प भएको हो।

भारतको उत्तरा खण्ड र उत्तर प्रदेशका विभिन्न भुभागमा हुने चुनावका कारणले आवत-जावतमा फागुन २ गते देखि ४ गते सम्म रोक लगाइएको छ ।

भारतको उत्तरा खण्ड र उत्तर प्रदेशका विभिन्न भुभागमा हुने विधान सभाको चुनावको असर नेपालमात्र नभई भारतीय बजारमा पनि परेको छ ।

अन्य समयमा व्यापार व्यावसाय गर्नेहरुको भिड रहने भारतको उत्तराखण्डको चम्फावत बजारमा आज भने मात्र चुनाव प्रचारप्रसारका गाडी गुडिरहेका छन् ।

चुनावको कारणले गर्दा नेपाल भारत आवतजावतमा रोक लगाएको तर आपतकालिन साधनहरुलाई आवतजावत गर्ने दिने नेपाली र भारतीय पक्षबीच सहमति भएको छ ।

नाका फागुन २ गते साँझ ५ बजेबाट फागुन ४ गते साँझ ५ बजे सम्म ४८ घण्टाकालागि बन्द गरीएको छ ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.