अब तल्लोबाटो भएर अमेरिका नआउँदा राम्रो

जोखिम र खतरा मोल्दै तल्लो बाटो भएर आउने नेपालीहरुलाई अब त्यति सहज छैन, अमेरिका। दलाललाई ठूलो रकम ख्वाएर दक्षिण अमेरिकी देशको भिसा लगाई स्थलमार्गबाट अमेरिका प्रवेश गर्ने कागतपत्र विहिनहरुलाई अब यहाँ काम पाउन र ग्रीन कार्ड लिन अब कठिन हुनेछ।

नेपालबाट करिब ६ महिनादेखि एक बर्ष लगाएर मेक्सिको हुदैँ अमेरिका छिर्न अब त्यति सहज छैन। राष्ट्रपति डोनाल्ड ट्रम्पले मेक्सिकोको सीमामा पर्खाल लगाउने कार्यकारी आदेशसंगै बोर्डरमा अहिले कडा सुरक्षा ब्यबस्था गरिएको छ।

मेक्सिकेको सीमाबाट नै ‘डिपोर्ट’ सम्म गर्न सकिने भन्दै त्यस्तो जोखिम नलिन नेपाली वकिलको सल्लाह छ। हवाई मार्गबाट वैद्यानीक ढंगले अमेरिका प्रवेश गर्नेहरुलाई त अहिले धेरै खोजी र सोधपुछ भइरहेको बताउदैँ अध्यागमन सम्बन्धी एक जानकार भन्छन्, 'माथिल्लो बाटोबाट आउनेलाई त कठिन भइरहेको छ, तल्लो बाटोको कुनै नगरौं।'

दलालको फन्दामा परेर तल्लो बाटो भएर आउदा धन सम्पत्ति जाने मात्र नभएर अमेरिकाबाट डिर्पोट सम्म गर्न सकिने जोखिम रहेको अध्यागमन सम्बन्धी जानकारी न्युयोर्ककका वकिल बासु फुलारा भन्नुहुन्छ। फूलाराले मेक्सिकोको बाटो हुदै जोखिम मोलेर अमेरिका नआउन समेत नेपालीलाई सल्लाह दिएकाछन्।

समान्य शिक्षा हासिल गरेको, अग्रेजीमा पनि राम्रो दखल नभएका गाउँका सोझा साझा नेपालीलाई दलालहरुले प्रलोभन देखाई मोटो रकम असुली अमेरिका ल्याउने गरेका छन्। अमेरिकामा महिनामा लाखौ कमाइ हुने भन्दै दलालले ४० लाख देखि ५० लाख रुपिँयासम्म लिएर एरपोर्टबाटनै सेटिङ मिलाएर अमेरिकासम्म पुर्याउने गर्दछन्।

तल्लोबाट छिर्नको लागि दलालले नेपालको अध्यागमन विभागदेखि दक्षिण अमेरिकी देशका अध्यागमन विभागसम्म सेटिङ मिलाएका हुन्छन्। घुम्न र कामका लागि भन्दैँ दक्षिण अमेरिकी देशको भीषा लगाएर नेपालको अन्तराष्ट्रिय विभानस्थलबाट छिर्ने अधिकाशंको मनसाय अमेरिका प्रवेश गर्नुनै हो। कतिपयले थाइल्याण्ड, अफ्रिकी देशका भीसा लिई त्यहाबाट फेरी मेक्सिको वा अन्य कुनै दक्षिण अमेरिकी देशको भिसा लगाई अमेरिका प्रवेश गराउने गरेका छन्।

दलालहरुले नेपालको अध्यागमन विभागदेखि दक्षिण अमेरिकी देशका अध्यागमन विभागसम्म सेटिङ मिलाएका हुन्छन्। बाटोमा घना जंगल र समुन्द« पार गर्दै मेक्सिकोको बाटो भएर खतरा मोल्दै नेपालीहरु  अमेरिका आउने गर्दछन्। जोखिम लिएर अमेरिका त प्रवेश गर्छन्, तर त्यहाबाट पनि अगाडिको प्रक्रिया भने झनै कठिन छ।

अमेरिकामा प्रहरीले पक्राउ गरेपछि पनि त्यहाबाट निक्सन दश हजार देखि २५ हजार डलरसम्म धरौटी माग्ने गर्छ। त्यसपछी फेरी एसाइलम गर्न वकिललाई पाँच देखि आठ हजार डलरसम्म बुझाउनु पर्दछ। खर्चै खर्च गरेर अमेरिका प्रवेश गरेपछि पनि अमेरिकामा काम पाउन र बसोवास मिलाउन फेरी सघर्ष गर्नुपर्ने हुन्छ।
कागजपत्र विहिन नेपालीले अमेरिकामा प्रवेश गरेपछि पाउने काम भनेको भारतीय, बंगाली, नेपाली, पाकिस्तानीहरुको स्टोर र रेष्टुरेन्टमा नै हो। अहिले कतिपय रेष्टुरेष्ट र स्टोरले पनि कागजपत्र खोज्न थालेपछि त्यस्ता ब्यक्तिहरु घरको न घाटका भएका छन्।

करिब ६० लाख नेपाली रुपिँया खर्च गरेर बल्ल बल्ल अमेरिका प्रवेश गरेको बताउदैँ पर्वत राम बस्नेत (नाम परिवर्तन ) पहिचान खुल्ने पासपोर्ट र अन्य कुनै कागजपत्र नभएका कारण अहिले काम पाउन कठिन भइरहेको छ । तल्लोबाटोबाट अमेरिका प्रवेशका लागि रकम बुझाइसकेका पर्वत, बाग्लुङ, गोर्खा र म्याग्दीका केही यूवाहरु अहिले बाटोमा नै अलपत्र अबस्थामा रहेको पनि उनले जानकारी दिए।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.