प्रचण्डलाई थर्काएपछि मधेसी नेताको मोबाइलमा प्रकाश दाहालको फोन !

काठमाण्डु, १६ माघ– प्रधानमन्त्री पुष्पकमल दाहाल ‘प्रचण्ड’ ले मधेसी मोर्चाका नेतालाई छलफलका लागि फेरि बालुवाटार बोलाएका छन् ।

प्रचण्डले सोमबार बिहान नौ बजे प्रमुख सत्तारुढ घटक काँग्रेससहित मोर्चाका शीर्ष नेतालाई बालुवाटार बोलाएका हुन् । फोरम गणतान्त्रिक अध्यक्ष राजकिशोर यादवले प्रधानमन्त्रीको निजी सचिवालयले टेलिफोनमार्फत बैठकमा आउन खबर गरेको जानकारी दिए । स्रोतका अनुसार प्रधानमन्त्रीका पुत्रसमेत रहेका स्वकीय सचिव प्रकाश दाहालले मोर्चा नेतालाई टेलिफोन गरी बोलाएका हुन् ।
मधेसी मोर्चाले माघ मसान्तभित्र संविधान संशोधन प्रक्रिया नटुंग्याए र राज्य पुनर्संरचना गर्दा जनसंख्यालाई आधार नबनाए निर्णायक आन्दोलनमा जाने चेतावनी सार्वजनिक गरेसँगै प्रचण्डले मोर्चा नेतालाई छलफलमा बोलाएका हुन् । यादवले प्रधानमन्त्रीको कुरा सुनेपछि आफूहरुको पूर्वनिर्णयमा पुनर्विचार हुने/नहुनेबारे निर्णय लिइने बताए ।

‘संविधान संशोधनलाई काँग्रेस र माओवादी केन्द्रले सत्ता लम्ब्याउने अस्त्रका रुपमा प्रयोग गर्न खोजिएको महसुस हामीलाई भएको छ’, यादवले काठमाण्डु टुडेसँग भने, ‘संविधान संशोधनको प्रक्रिया नटुंग्याए र जनसंख्याका आधारमा स्थानीय तहको निर्धारण नगरेसम्म मान्दैनौं, आन्दोलनमा जान्छौं ।’

उनले राज्य पुनर्संरचना आयोगले एक पक्षीय र विभोदपूर्ण रिपोर्ट दिएकाले त्यसलाई मान्न नसकिने उल्लेख गरे ।
‘५२ प्रतिशत मधेसी जनतालाई २५ प्रतिशत अधिकार दिने विभेदकारी प्रावधान नसच्याएसम्म निर्वाचन हुन सक्दैन’, उनले भने । उनले माघ मसान्तसम्म माग पूरा नभए निर्णायक आन्दोलनमा जाने तर मधेसी जनताको भविष्यसँग जोडिएका राजनीतिक मुद्दामा घुँडा नटुक्ने बताए ।

‘मधेस कसैको पैतृक सम्पत्ति होइन, ५२ प्रतिशत जनतालाई अन्याय गरेर यो मुलुकको अखण्डता र राष्ट्रियता कसरी बलियो हुन्छ ?’, उनले भने ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.