प्रहरीका एसपीले कांग्रेसकी सांसदलाई मध्यराति ‘यो चिसोमा एक्लै गाह्रो होला है’ भनेपछि…

काठमाडौं, १२ माघ । नेपाली कांग्रेस महोत्तरीका सांसद संगीता मण्डल (धानुक)लाई आईतबार राति नयाँ नम्बरबाट फोन आयो । नयाँ नम्बर देखेर फोन रिसिभ गरिन् । फोन रिसिभ गरेपछि उनलाई थाहा भयो कि फोन गर्ने त करिब दुई महिना अघि मात्रै महोत्तरी सरुवा भएर आएका एसपी नलप्रसाद उपाध्याय रहेछन् । राम्रोसँग पनि चिनजान नभएका एसपीले राती फोन गरेपछि उनी सशंकित भईन् ।

कुराकानीकै क्रममा एसपी उपाध्यायले सांसद मण्डलाई एक्कासी मिस तपाईको बिहे भयो भनेर सोधे । एक छोरा एक छोरीका आमा बनिसकेकी मण्डलाई एक्कासी राति फोन गरेर छाडा बोल्न थालेपछि उनी अक्कन बक्क भईन् । यति मात्र होइन् एसपी उपाध्यायले  ‘यो चिसोमा एक्लै गाह्रो हुन्छ होला है’ भन्दै यौन अश्लील शब्द बोले पछि संगीता रिसाइन् ।

आफूलाई एसपीले फोनमा दुव्र्यवहार गरेको भन्दै संगीताले आफ्नै पार्टीका नेतासमेत रहेका गृहमन्त्री विमलेन्द्र निधीलाई जानकारी गराएकी थिइन् । त्यसलगत्तै मन्त्री निधीको निर्देशनमा एसपी उपाध्यायलाई सोमबार हेडक्वार्टर झिकाइएको छ । महिला सांसदलाई आधा रातमा फोन गरेको भन्दै उपाध्यायलाई सोमबार नै हेडक्वार्टर तानिएको हो । महोत्तरी जिल्ला प्रहरी कार्यालयले भने ‘एसपी साहेब केही दिनको बिदामा काठमाडौं गएको’ जानकारी दिएको छ ।

एसपी उपाध्यायले राति सांसद संगीतालाई फोनमा छाडा शब्द प्रयोग गरेको उनको दाबी छ । सांसद संगीताले भनिन्, ‘त्यस्तो ठूलो केही पनि हैन, एसपीसा’ ले ममाथि मिस बिहे गर्नुभयो, र यो कुरा मैले गृहमन्त्रीज्यूलाई जानकारी गराएँ ।’

फोनमा त्यस्तो व्यवहार गरिसकेपछि एसपीले आफूसित माफीसमेत मागिसकेको सांसद धानुकले बताइन् । धानुकले भनिन्, ‘उहाँले सरी पनि भनिसक्नुभएको छ । तर, म सांसदजस्तो व्यक्तिमाथि त्यस्तो अपमान हुँदा चुपलाग्नुहुँदैन भनेर मैले गृहमन्त्रालयमा जानकारी दिएकी हुँ ।’ उनले भनिन्, ‘मेरा श्रीमान र छोराछोरीका अगाडि उहाँले फोनमा त्यस्तो व्यवहार गर्दा चुप लागेर बस्ने कुरा पनि त भएन ।’

– नव जनप्रहारबाट

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.