प्रचण्ड सरकारले नेपालमा ल्यायो ट्रम्प नीति, अवैध अमेरिकी भेट्नासाथ च्याप्प समातेर फिर्ता

काठमाण्डु, २ चैत– अमेरिकी राष्ट्रपति डोनाल्ड ट्रम्पले अवैध बसोबास गर्ने विदेशीलाई देशनिकालाको अभियान चलाएकै बेला नेपालमा पनि गैरकानूनी रुपमा अड्डा जमाएर बसेका विदेशीलाई सरकारले खोजीखोजी डण्डा लगाउने भएको छ ।

अध्यागमन विभागले नेपालमा लुकिछिपी बसेका करिब १० हजार विदेशीलाई जरिवानासहित देश निकाला गर्ने तयारी थालेको हो । विभिन्न वैध र अवैध धन्दा चलाएर बसेकाहरुको खोजी गरी राजश्व असुलेर फिर्ता पठाउन विभागले अनुगमन निर्देशिका बनाइरहेको छ । निर्देशिका बन्नासाथ टोली खटाई धर्मप्रचार, जासुसी, अवैध मुद्राको कारोबारदेखि लागुऔषध ओसारपसारमा समेत संलग्न युरोपियन मुलुकका नागरिकदेखि बंगालादेशी, पाकिस्तानी, स्विस, तिब्बेतीयन निशानामा पारिनेछन् ।

यस्ता विदेशीलाई पक्रिएर अध्यागनमको हिरासतमा राखिनेछ । यिनीहरुमध्ये अधिकांशले लाखभन्दा बढी भिसा शुल्क बुझाउनुपर्नेछ ।  भिसा शुल्क बुझाउनेले सजिलै स्वदेश फर्कन पाउने भए पनि सक्दिन भन्नेले चाहिं जेलमै बस्नुपर्छ । केही दिनअघि मात्र पक्राउ परेका ३३ जना बंगलादेशी नागरिकमध्ये कसैले पनि भिसा शुल्क बुझाउन नमान्दा अहिले केन्द्रीय कारागारमा पाहुना बनेका छन् ।

अवैध रुपले नेपाल प्रवेश गरी कामदारका रुपमा हाउजिङमा कार्यरत यिनीहरु कोहीसँग पनि पासपोर्ट, भिसा तथा अन्य कागजात थिएन । कुबेत, साउदीलगायत मुलुकमा नेपाली कामदार पठाए झैं बंगलादेशबाट पनि गैरकानूनी रुपमा कामदार नेपाल भित्र्याइने गरेको बताइन्छ ।

यस्ता कामदारको जिम्मा ठेकेदारले लिने, काम उनैले लगाइदिने र खाने–बस्ने व्यवस्था मिलाउनुका साथै तलब र सुविधासमेत निर्धारण गर्ने गरेको पाइएको छ । अमेरिकी लगायत युरोपियन मुलुकका हजारौं गोरा अनुहार अहिलेपनि गाउँगाउँमा देखिन्छन् । यीमध्ये अधिकांश धर्म प्रचारमा संलग्न रहेको बताइन्छ ।
अब देशभरका प्रहरी चौकीले विदेशी नागरिक देख्नासाथ कागजपत्र खोज्नेछन् । नेपालमा अवैधरुपमा बस्ने विदेशीको संख्या १० हजार जति हुनसक्ने गहृकै अधिकारी बताउँछन् ।
जनआस्था साप्ताहिक

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.